Atearen bestaldean
Pertsonok egoera kaltegarriak gainditzeko dugun gaitasuna, erresilientzia, alegia, lantzen duen ikuskizun parte-hartzailea da.
Zorretan
Amaren gaia zilbor heste luzea da, kilometrikoa, sekula egunerokotasunik galtzen ez duen gaia.
Bidaia – Die Reise
Oratoria garaikidea, bizitzarekiko jakinmin eutsiezinak eragindako barne bizi bidaia. Alemania eta Euskal herriko diziplina anitzeko 12 artista oholtzan.
Zeharkatu beharreko mugak
Antzerkigintzaren bidaia; sormenaren mugak ezagutu eta apurtzera bideratua, dantza antzerki bihur dadin, antzerkia dantza eta ahotsa dantzari.
Lezoko antzerki testu laburren II. Lehiaketa
Sormen proiektu honek euskal dramaturgia ikusarazi eta bultzatzea du helburu, gazte idazleak eta parekidetasuna ardatz hartuta.
Hika teatroa
35 urteko ibilbidea Agurtzane Intxaurragaren zuzendaritzapean, poesia bisuala eta errebeldia eszenikoa uztartzen dituen emakumea. Gure ekoizpenek izaera sozial nabarmena dute eta ikuslea bere buruarekin etengabeko gatazkan jartzeko ahalegina egiten dute.
HIKA etengabeko bilaketa da, erronka artistikoen berrikuntza, bere ekoizpenen garaikidetasuna bermatzeko. Horrez gain, publiko berriak erakartzeko helburuarekin HIKAk ohiko du bitartekaritza eta sentsibilizazio programak lantzea ikuskizunetan.
Misioa
Arte eszenikoak herritarrei hurbiltzea dugu helburu, publikoekin eskutik lan eginez.
Bisioa
Gure gizartearen begirada artistikoa zein kritikoa eskaintzea.
Nola
Partaidetza, gertutasuna, konpromezu soziala, berrikuntza, ikerkuntza, elkarlana, jasangarritasuna.
«Egile antzerki garaikidea. Bertan, poetika, errebeldia eszenikoa eta gizartearekiko konpromezua eskutik doaz»